23 March 2019



22 March 2019



வீரம் விதைக்கப்பட்ட தினம்...

மார்ச் 23, 1931 பகத்சிங், ராஜ்குரு, சுகதேவ் - இந்தியாவின் மூன்று வீரமிக்க தியாகிகள் தூக்கிலிடப்பட்ட நாள். தூக்கு தண்டனை மார்ச் 24 தான் என்று முதலில் அறிவிக்கப்பட்டிருந்தது . எனினும் மக்களின் கடும் எதிர்ப்புக்களை, எழுச்சி மிக்க ஆர்ப்பாட்டங்களை தவிர்க்கும் நோக்கோடு மார்ச் 23ம் நாள் மாலையே தூக்கு தண்டனையை நிறைவேற்றிட சிறை அதிகாரிகள் முடிவு செய்தனர். 

சிறைக் காவலர்கள் பகத்சிங்கை அழைத்துச்செல்ல நெருங்கினார்கள் அப்போது அவன் மெய்மறந்து ஒரு நூலை வாசித்துக் கொண்டிருந்தான். அது – “லெனின் அரசும், புரட்சியும்” அதனை படித்து முடிக்கும்வரை காத்திருக்குமாறு கூறிவிட்டு தனது வாசிப்பைத் தொடர்ந்தான். பிறகு மூவரும் தூக்குமேடைக்கு அழைத்துச் செல்லப்படுகிறார்கள். தங்களது இறுதி ஆசை - தூக்கிலிடப்படுவதற்கு பதிலாக துப்பாக்கியால் சுடப்படவேண்டும் எனத் தெரிவிக்கிறார்கள் - ஆனால் ஆங்கிலேய அதிகரிகள் அதனை ஏற்கவில்லை. 

தூக்குமேடையில் நின்று கொண்டு பகத்சிங் “நாங்கள் எத்தனை முறை பிறந்தாலும் நாட்டின் விடுதலைக்காக போராடிக் கொண்டே இருப்போம்” என வீராவேசமான வார்த்தைகளோடு இன்குலாப் ஜிந்தாபாத் என்ற முழக்கம் அதிருகிறது. தூக்கிலிடபட்ட பகத்சிங், சுகதேவ்க்கு வயது 23, ராஜகுருவுக்கு 24, தோழர்கள் வாழ்ந்த காலம் கொஞ்சம்தான், ஆனால் பல துறைகளில் கவனம் செலுத்தியதோடு அறிவுஜீவியாகவும் வாழ்ந்தார்கள். வாழ்வின் வசந்தத்தை அனுபவிக்க வேண்டிய வயதில் தூக்கு கயிற்றுக்கு முத்தமிட்ட இவர்களின் கனவு இந்திய விடுதலைக்குப் பின்னராவது நிறைவேறியதா? 

பல கோடி மக்கள் இன்னமும் வறுமைக்கோட்டிற்கு கீழேயும், கல்வி பெற முடியாமலும், சுகாதாரம், குடிநீர் கிடைக்கும் வழியறியாது அல்லல்படுகின்றனர். சாதி மோதல்களும், வகுப்பு வாதங்களும் தலைவிரித்தாடுகின்றன. பகத்சிங், ராஜ்குரு, சுகதேவ் - இந்த மூன்று தியாகிகளின் தூக்குக்கும் தியாகத்துக்கும் இன்னமும் இந்த நாடு பதில் சொல்லவில்லை.

21 March 2019

அஞ்சலி...

தோழர் முருகையா

BSNLEU சங்கத்தின் மாநிலத் துணைச் செயலரும் ..
TNTCWU ஒப்பந்த ஊழியர் சங்கத்தின் மாநிலத்தலைவருமான..
தோழர் முருகையா அவர்கள்
இன்று (21.03.2019) மாலை உடல் நலக் குறைவினால் காலமானார்.


தோழரின் மறைவிற்கு விருதுநகர் மாவட்ட NFTE சங்கம் தனது ஆழ்ந்த அஞ்சலியை உரித்தாக்குகிறது.


தோழரின் நல்லடக்கம் நாளை (22-03-2019) அன்று விருதுநகர் மாவட்டம் சாத்தூரில் நடைபெறவுள்ளது.

20 March 2019


15 March 2019

நெஞ்சம் நிறைந்த நன்றிகள்...

வரலாறு கண்டிராத வகையில் ஊழியர்களுக்கு சம்பளம் வழங்கப்படாத சூழ்நிலை நிலவியது.

தற்போது பிப்ரவரி மாத ஊதியம் வங்கிக்கு அனுப்பப்பட்டு விட்டதாக அறிகிறோம்.

இதுவும் கடந்து போகும் என வாளாயிருந்து விடாமல் தொடர்ந்து குரலெழுப்பிய அனைத்து சங்க கூட்டமைப்பின் தலைவர்களுக்கு விருதுநகர் மாவட்டச் சங்கம் தனது நெஞ்சார்ந்த வாழ்த்துக்களைத் தெரிவித்துக் கொள்கிறது.

14 March 2019

BSNL ஊழியர்களுக்கு நாளைக்குள் சம்பளம் வழங்கப்படும்...

BSNL CMD அனுபம் =வஷ்தவா அறிவுப்பு...


BSNL ஊழியர்களுக்கு நாளைக்குள் சம்பளம் வழங்கப்படும் என BSNL நிறுவனத்தின் CMD அனுபம் =வஷ்தவா இந்து நாளிதழுக்கு அளித்த பேட்டியில் தெரிவித்துள்ளார். ஊழியர்களுக்கு சம்பளம் வழங்குவதை உறுதிப்படுத்தும் வகையில் சரியான நேரத்தில் தலையிட்ட மத்திய தொலைத்தொடர்பு அமைச்சர் திரு மனோஷ் சின்ஹா அவர்களுக்கு நன்றி தெரிவிப்பதாகவும் கூறியுள்ளார். 


வழக்கமாக மார்ச் மாதத்தில் நிறுவனத்தின் வருவாய் அதிகமாக இருக்கும் எனவும் 2700 கோடி ருபாய் அளவிற்கு வருவாயை எதிர்பார்க்கிறோம் எனவும் அதில் இருந்து ரூ.850/- கோடியை ஊழியர்களின் சம்பளத்திற்கு செலவிடுவோம் எனவும் கூறினார். 


ஜியோ நிறுவனத்திற்கு அடுத்தபடியாக அதிக வாடிக்கையாளர்களை BSNL நிறுவனம் தன்வசம் ஈர்த்துள்ளதால் வருவாய் அதிகரிக்க வழியுள்ளதாகவும், மத்திய அமைச்சர் நேரடியாக தலையிட்டு பிரச்சினையின் தீர்வு குறித்து கண்காணித்து வருவதாகவும் , தடையற்ற சேவையை தொடர்ந்து அளிப்பதை உறுதி செய்த ஊழியர்களுக்கு நன்றி தெரிவித்துக் கொள்வதாகவும் தெரிவித்துள்ளார். 


BSNL நிதி மூலதனத்திற்கு தொலைத்தொடர்பு இலாகா உதவி செய்ய உள்ளதாகவும் , வங்கிக் கடன் பெறுவதற்கான அனுமதிக்கடித்தை புதன்கிழமையே வழங்கி விட்டதாகவும் தெரிவித்தார். இதன் மூலம் ரூ.3500/-கோடி அளவிற்கு வங்கி கடன் பெற முடியும் என அவர் தெரிவித்துள்ளார். 


தொலைத்தொடர்பு இலாகாவின் இவ்வுதவியால் வரும் மாதங்களில் ஊழியர்களுக்கு சம்பளம் வழங்குவதில் பிரச்சினை இருக்காது என நம்பிக்கையோடு தெரிவித்துள்ளார். டெலிகாம் துறையில் உள்ள பொதுத்துறை நிறுவனங்களான BSNL மற்றும் MTNL நிறுவனங்களில் பணிபுரியும் ஊழியர்களுக்கு பிப்ரவரி’2019 சம்பளம் வழங்குவதில் பிரச்சனையை சந்தித்தன என்பது இவ்விடம் குறிப்பிடத் தகுந்தது. 


மேலும் ஊழியர் ஒருவர் தெரிவித்தது என்னவெனில் MTNL நிறுவனத்திற்கு வழங்க வேண்டிய பாக்கித் தொகையான ரூ.171/- கோடியை DOT விடுவித்தன் மூலம் MTNL நிறுவனத்தின் ஊழியர்களுக்கு பிப்ரவரி மாத ஊதியம் வழங்கப்படவுள்ளதாகவும், BSNL நிறுவனத்தில் 1.76 லட்சம் ஊழியர்களும் , MTNL நிறுவனத்தில் 22000 ஊழியர்களும் பணியாற்றுவதாகவும் இதில் 16000 MTNL ஊழியர்களும், 50 சதவிகித BSNL ஊழியர்களும் அடுத்த 5-6 வருடங்களில் ஓய்வு பெறவுள்ளதாகவும் தெரிவித்தார். 

அனைத்து சங்க கூட்டமைப்பின் அடுத்த கட்ட நடவடிக்கைகள்..

பிப்ரவரி 18,19,20 வேலை நிறுத்தத்திற்கு பின் பிப்ரவரி மாத ஊதியம் வழங்கப்படாத சூழ்நிலையில் 2019 மார்ச் 12, 13 மற்றும் 14 ஆகிய மூன்று தினங்களிலும் தொடர்ச்சியாக அனைத்து சங்க கூட்டமைப்பு கூடியது.  

BSNL ஊழியர்களுக்கு ஊதியம் வழங்காதது மற்றும் BSNLன் புத்தாக்கம் ஆகிய விஷயங்களை அக்கறையுடன் விவாதித்தது.  AUABயின் தலைவர் தோழர் சந்தேஷ்வர் சிங் அவர்களின் தலைமையில் நடைபெற்ற இந்தக் கூட்டங்களில் BSNLEU, NFTE, SNEA, AIBSNLEA, AIGETOA, BSNL MS, ATM மற்றும் BSNL OA ஆகிய சங்கங்களின் பொதுச்செயலாளர்கள்/ மத்திய சங்க நிர்வாகிகள் கலந்துக் கொண்டனர்.

முதல் இரண்டு நாட்கள் நடைபெற்ற நிகழ்வுகள் தொடர்பாக 14.03.2019 அன்று நடைபெற்றக் கூட்டத்தில் AUAB ஒருங்கிணைப்பாளர் தோழர் P.அபிமன்யு அவர்கள் விளக்கி பேசினார்.  பின்னர் விரிவான விவாதம் நடைபெற்றது.

BSNL நிறுவனத்தில் தற்போது ஏற்படுத்தப்பட்டுள்ள நெருக்கடியை உருவாக்கிய அரசாங்கத்தின், குறிப்பாக DoTயின் BSNL விரோத நடவடிக்கைகளுக்கு எதிர்ப்பு தெரிவிக்கும் வகையில் உறுதியான இயக்கம் ஒன்றை நடத்த வேண்டும் என முடிவெடுக்கப்பட்டது.

விரிவான விவாதங்களுக்கு பின் கீழ்கண்ட முடிவுகள் ஏகமனதாக எடுக்கப்பட்டுள்ளன:

அரசாங்கம் மற்றும் DoTயின் BSNL விரோத நடவடிக்கைகளுக்கு எதிராக 05.04.2019 அன்று சஞ்சார் பவர் நோக்கிய வலுவான பேரணியை நடத்துவது.  இந்த பேரணியில் உரையாற்ற அனைத்து அரசியல் கட்சி தலைவர்களையும் அழைப்பது.

இந்த பேரணி மற்றும் தற்போது BSNL சந்திக்கும் பொருளாதார நெருக்கடி ஆகியவற்றை விளக்கும் வகையில் விரிவான சுற்றறிக்கையினை ஊழியர்களுக்கு அனுப்புவது.

BSNLன் புத்தாக்கத்திற்கு ஆதரவு கோரும் வகையில் அனைத்து அரசியல் கட்சி தலைவர்களையும் அணுகுவது.

BSNLன் புத்தாக்கத்தில் தலையிட வேண்டும் என பிரதமர் அலுவலக முதன்மை செயலாளருக்கு ஒரு கடிதம் எழுதுவது.

BSNLன் புத்தாக்கத்திற்கு ஆதரவு திரட்டும் வகையில் அரசியல் கட்சிகளின் மாநில தலைவர்களை மாநில AUAB தலைவர்கள் சந்திப்பது.

AUABயின் கோரிக்கை மனுவில் கொடுக்கப்பட்டுள்ள பிரச்சனைகளை விவாதிக்க தொலை தொடர்பு துறையின் செயலாளரோடு ஒரு சந்திப்பிற்கு நேரம் கோரி கடிதம் அனுப்புவது.

BSNLன் புத்தாக்கத்திற்கு ஆதரவு கோரி பாராளுமன்ற தேர்தலில் போட்டியிடும் அனைத்து கட்சிகளின் வேட்பாளர்களை சந்தித்து மனு கொடுப்பது.

AUAB யின் கடுமையான எதிர்ப்பையும் மீறி டவர் பராமரிப்பை OUTSOURCING செய்ய எடுக்கப்பட்ட முடிவை BSNL நிர்வாகம் தொடர்ந்து அமலாக்க முயற்சிக்கிறது.  இதனை நிறுத்த வேண்டும் என மற்றுமொரு கடிதத்தை BSNL CMDக்கு எழுதுவது.

அனைத்து BSNL ஊழியர்களும் TWITTER கணக்கை துவங்கி “SAVE BSNL’ கணக்கினை FOLLOW செய்வது.

அனைத்து சங்க கூட்டமைப்பு மீண்டும்  வரும் 25.03.2019 அன்று மாலை 02.30 மணிக்கு கூடவுள்ளது.