17 February 2019


16 February 2019


15 February 2019


யானைக்கறி வியாபாரம்...


பி.எஸ்.என்.எல். தற்பொழுது சந்திப்பது நிதி பற்றாக்குறை மட்டுமே. எல்லோரும் ஊதிப் பெருக்குவது போல, அது அழிவுப்பாதையில் செல்லவில்லை... இல்லை... இல்லை.


பின் எதற்காக இந்த விஷயம் இவ்வளவு பேசப்படுகிறது? பிறகெப்படி இவ்வளவு ஜிகினா பளபளப்புகளுக்கு மத்தியிலும் அரசுத்துறைக்கு ஆதரவு தரும் வாடிக்கையாளர்களை தனியார் பக்கம் துரத்திவிடுவது!



இப்போது இவர்கள் அழிக்க நினைப்பது பி.எஸ்.என்.எல்..யையோ ஹச்.ஏ.எல்.யையோ அல்ல, மாறாக பொது சமுதாயம் பொதுத்துறை நிறுவனங்களின் கட்டமைப்பு மீது வைத்திருக்கின்ற நம்பிக்கையத் தான் வேரோடு அறுக்கிறார்கள்.

கல்வி, மருத்துவம், சுகாதாரம் என்று ஒவ்வொன்றிற்கும் தனியார் பெருமுதலாளிகளின் காலடியில் பொதுமக்கள்  விழுந்துகிடக்க வேண்டும் என்பதன் முதல்படி தான் இது.

தொலைத்தொடர்பு துறையில், இப்போது தனியார் உட்பட எந்த நிறுவனமும் லாபத்தில் இயங்கவில்லை. தனியார் நிறுவனங்கள் அனைத்தும் பொதுத்துறை வங்கிகளில் ஆயிரக்கணக்கான கோடிகள் கடன் வாங்கித்தான் வண்டியை ஒட்டிக்கொண்டிருக்கின்றன.

பி.எஸ்.என்.எல்.க்கு மட்டுமே மிகக்குறைந்த கடன்களும், தன்னைத்தானே புத்தாக்கம் செய்து கொள்வதற்குண்டான அளவு சொத்துக்களும் உள்ளன. ஆனால் இந்நிறுவனம் குறித்த கொள்கை முடிவுகளை இதனால் தன்னிச்சையாக எடுக்க முடியாது. எல்லாவற்றையும் கேபினட் தான் முடிவு செய்யவேண்டும். சக்களத்தி பிள்ளையைக் கொஞ்சியபடி தன் பிள்ளையைத் தற்கொலைத் தூண்டும் தாயை எப்படி புரிந்துகொள்வீர்கள்!

தகுதியற்ற ஒரு சேவையை, எந்தவொரு வாடிக்கையாளரும் பயன்படுத்த வேண்டிய அவசியமில்லை. ஆனால் இலாப நோக்கம் பாராமல், நாட்டின் ஓட்டுமொத்த வங்கி சேவைகளுக்கான இணைப்புப் பாதை, கடும் மலைப்பகுதிகள், குக்கிராமங்கள், நெடுஞ்சாலைகள் போன்றவற்றில் தொலைத்தொடர்பு, இயற்கைப் பேரழிவின்போதான உடனடி புணரமைப்பு என்று நாட்டின் ஒட்டுமொத்த வளர்ச்சிக்கும் உறுதுணையாக இருக்கும், பந்தயத்தில் முழு உடல்த்தகுதியுடன் முதலாவதாக ஓடிக்கொண்டிருக்கும் ஒருவனை, வழியில் கால்களைக் கட்டிப்போட்டுவிட்டு நீ நோஞ்சான், நீ பந்தயத்தில் ஓடத்தகுதியற்றவன் என்று நடுவரே தடுத்து நிறுவதை, சுற்றி நின்று வேடிக்கைப் பார்க்கும் அனைவரும் குரூரச் சிரிப்புடன் வரவேற்பதை என்னவென்று சொல்வது?

பி.எஸ்.என்.எல் எனும் யானையைச் சாய்த்து, துண்டுதுண்டாக வெட்டிக் கூறுபோட்டு யானைக்கறி வியாபாரம் செய்யத் துடிக்கிறது அரசு ! அடிக்கடி நிகழாத அரிதானதொரு பொழுதுபோக்கு நிகழ்ச்சியைக் காணப்போகும் கேளிக்கை மனநிலையில் கைக்கொட்டி ஆராவாரம் செய்தபடி அதனை ரசிக்கக் காத்திருக்கிறது பொதுஜனம் ! வாழ்க பாரதம் !
10% ஊதிய நிர்ணயம் - கூட்டமைப்பு ஏக மனதாக முடிவு...

கடந்த இரண்டு நாட்களாக BSNL CMD அவர்களும், மனித வள இயக்குனரும்  AUAB தலைவர்களுடன் தொடர்ந்து விவாதித்து வருகின்றனர்.  3வது ஊதிய மாற்றம் தொடர்பான DoTயின் முன்மொழிவுகளை நமக்கு தெரிவித்து வருகின்றனர். 

அதன் படி 0% ஊதிய நிர்ணய பலனுடன் ஊதிய மாற்றம் உடனடியாக அமலாக்கப்படும்.  அதன் பின் 5% ஊதிய நிர்ணய பலனுக்காக, தொலை தொடர்பு அமைச்சர், மத்திய அமைச்சரவைக்கு கொண்டு செல்வார் என DoT நிர்வாகம் தெரிவித்தது.

இது தொடர்பாக கூட்டமைப்பின் தலைவர்கள்  தங்களுக்குள் விவாதித்து, 10% ஊதிய நிர்ணய பலன் தான் நமது குறைந்தபட்ச கோரிக்கை  என ஏகமனதாக முடிவெடுத்துள்ளனர். இம்முடிவை BSNL CMD மூலமாக DoTக்கு தெரிவித்துள்ளனர். 

0% ஊதிய நிர்ணயபலன் தான் ஊதிய மாற்றத்திற்கு வழங்குவார்கள் என்பதையே, DoTயின் முன்மொழிவிலிருந்து புரிந்து கொள்ளமுடிகிறது. 5% ஊதிய நிர்ணய பலனுக்கு மத்திய அமைச்சரவைக்கு கொண்டு செல்வேன் என்கிற மத்திய தொலை தொடர்பு அமைச்சரின் வாக்குறுதியை நம்ப முடியாது.  மத்திய அமைச்சரும், DoTயும் கொடுத்த அனைத்து வாக்குறுதிகளையும் மீறினார்கள் என்பது தான் கடந்த கால அனுபவங்கள்.  

எனவே 18.02.2019 முதல் நடைபெற உள்ள வேலை நிறுத்தத்தை வெற்றிகரமாக்கிட அனைத்து தயாரிப்பு பணிகளையும் நமது அனைத்து தோழர்களும் முழு வேகத்தில் கொண்டு செல்ல வேண்டும் என மத்திய சங்கம் கேட்டுக் கொண்டுள்ளது. 

ஏதாவது முன்னேற்றங்கள் இருந்தால் உடனடியாக தோழர்களுக்கு தெரிவிக்கப்படும் என மத்திய சங்கம் தெரிவித்துள்ளது.

13 February 2019


வேலைநிறுத்தம் நடந்தே தீரும் - அனைத்து சங்க கூட்டமைப்பு உறுதி..

12.02.2019 அன்று மாலை 05.30 மணிக்கு AUAB மற்றும் BSNL நிர்வாகம் ஆகியவற்றிற்கு இடையேயான சந்திப்பு நடைபெற்றது.

நிர்வாகத்தின் சார்பில் திரு அனுபம் ஸ்ரீவாஸ்தவா CMD BSNL, திருமிகு சுஜாதா T ரே DIRECTOR( HR & Fin) மற்றும் திரு A.M.குப்தா GM(SR) ஆகியோரும், AUAB சார்பாக தோழர் P.அபிமன்யு அமைப்பாளர், தோழர் சந்தேஸ்வர் சிங் தலைவர், தோழர் K.செபாஸ்டியன் GS SNEA, தோழர் பிரகலாத் ராய் GS AIBSNLEA, தோழர் பதக் AGS AIGETOA, தோழர் சுரேஷ் குமார் GS BSNLMS, தோழர் H.P.சிங் Dy.GS BSNLOA மற்றும் தோழர் S.சிவகுமார் தலைவர் AIBSNLEA ஆகியோரும் பங்கேற்றனர். 

BSNL சந்திக்கும் கடும் நிதி நெருக்கடியை விவரித்த CMD BSNL, 2019 பிப்ரவரி மாத ஊதியத்தை ஒத்தி வைப்பதற்கு AUABயின் ஒத்துழைப்பை கோரினார். AUAB தலைவர்கள் BSNL CMDயின் இந்த வேண்டுகோளை உறுதியுடன் மறுத்து விட்டனர். ஊழியர்களின் ஊதியம் பட்டுவாடா செய்யப்படுவதை ஒத்தி வைக்கக் கூடாது என்பதை ஒற்றைக் குரலில் உறுதியுடன் தெரிவித்தனர். 

அதற்கு பின்னர் 18.02.2019 முதல் AUAB விடுத்துள்ள 3 நாட்கள் வேலை நிறுத்தம் என்பது நம்மை நாமே தோற்கடிக்கக் கூடிய விஷயம் என்று கூறி, வேலை நிறுத்தத்தை விலக்கிக் கொள்ள வேண்டுகோள் விடுத்தார். 

BSNL CMD யின் இந்த வேண்டுகோளை நிராகரித்த AUAB தலைவர்கள், என்ன விலை கொடுத்தாலும் வேலை நிறுத்தம் நடைபெறும் என உறுதியுடன் தெரிவித்தனர். மத்திய தொலை தொடர்பு அமைச்சர் திரும்ப திரும்ப கொடுத்த வாக்குறுதிகளை DoT அமலாக்கவில்லை என்று அவர்கள் நிர்வாகத்திடம் தெரிவித்தனர். DoTக்கு போதுமான கால அவகாசம் ஏற்கனவே வழங்கப்பட்டு விட்டதாக AUAB தலைவர்கள், BSNL CMDயிடம் தெரிவித்ததோடு, வேலை நிறுத்தம் வெற்றிகரமாக நடைபெறும் என்றும் தெரிவித்தனர். 

வேலை நிறுத்தத்தில் செல்வது என்கிற முடிவிலிருந்து திரும்ப செல்வது என்ற கேள்விக்கே இடம் இல்லை என நிர்வாகத்திடம் உறுதியான வார்த்தைகளில் AUAB தெரிவித்துள்ளது.

*3நாள் வேலை நிறுத்தத்தை வெற்றிபெற செய்ய வேண்டும் தோழர்களே*