தேசிய தொலைத்தொடர்பு ஊழியர் சம்மேளனம்
விருதுநகர் மாவட்டம்
8வது மாவட்ட மாநாட்டு தீர்மானங்கள்
1. விருதுநகர் மாவட்டச் சங்கத்தின் கோரிக்கையினை ஏற்று வணிகப்பகுதி உருவாக்கத்தின் போது வருவாய் அடிப்படையில் தூத்துக்குடி மாவட்டத்தோடு இணைக்கப்பட்டிருந்த விருதுநகர் மாவட்டத்தை மதுரை மாவட்டத்தோடு இணைக்க நடவடிக்கை எடுத்திட்ட மத்திய, மாநிலச் சங்கங்களுக்கு மாநாடு தனது நெஞ்சார்ந்த நன்றிகளைத் தெரிவித்துக் கொள்கிறது.
2. தனியார் தொலைத்தொடர்பு நிறுவனங்கள் 5G சேவையை நோக்கி முன்னேறிக் கொண்டிருக்கும் காலகட்டத்தில் BSNL நிறுவனம் 4G சேவை வழங்குவதில் உள்ள தடைக்கற்களை விரைந்து நீக்கிடவும், ரூ550/- கோடி மட்டுமே செலவு பிடிக்கும் 18000க்கும் மேற்பட்ட செல்கோபுரங்களை 4G செல்கோபுரங்களாக தரம் உயர்த்த விரைவாக அனுமதி வழங்கிடவும் DOT நிர்வாகத்தை மாநாடு கேட்டுக் கொள்கிறது.
3. வோடோபோன், ஏர்டெல் ஜியோ ஆகிய தனியார் தொலைத்தொடர்பு நிறுவனங்களுக்கு அவர்கள் AGR எனப்படும் Adjusted Gross Revenue எனும் வகையில் செலுத்த வேண்டிய தொகைக்கு 4 ஆண்டு கால Moratorium சலுகையை மத்திய அரசு வழங்கியுள்ளது. 23000 கோடி மட்டுமே கடன் வைத்துள்ள BSNL நிறுவனத்திற்கும் அச்சலுகை நீட்டிக்கப்பட வேண்டுமென ஒன்றிய அரசை மாநாடு வலியுறுத்துகிறது. மேலும் தனியார் நிறுவனங்களுக்கு அவர்கள் செலுத்த வேண்டிய கடன்களை தள்ளுபடி செய்யும் மத்தியஅரசு அரசு நிறுவனமான BSNL பெற்றுள்ள கடன்களையும் தள்ளுபடி செய்திடவேண்டுமென மாநாடு வலியுறுத்துகிறது.
4. தொலைத்தொடர்புத் துறையில் அந்நிய நேரடி முதலீடை 100 சதவிகிதமாக உயர்த்திட்ட மத்திய அரசின் முடிவினை மாநாடு வன்மையாக கண்டிக்கிறது.
5. நிறுவனத்தின் வருவாய் செயல்திட்டம் மற்றும் சேவைகளுக்கான கட்டண நிர்ணயம் ஆகியவற்றிற்கும் ஊழியர்களுக்கும் சம்பந்தமில்லாத சூழ்நிலையில் Affordability Condition ஐ காரணம் காட்டி ஊதிய மாற்றத்தை மறுக்காதே. அதே வேளையில் 200 புள்ளிகளை நெருங்கிக் கொண்டிருக்கும் பஞ்சப்படியின் ஒரு பகுதியை அடிப்படை ஊதியத்துடன் இணைத்திட நடவடிக்கை எடுத்திட BSNL மற்றும் DOT நிர்வாகங்களை மாநாடு வேண்டுகிறது.
6. ஒன்றிய அரசு நிதி திரட்டும் திட்டத்தின் ஒரு பகுதியாக BSNL நிறுவனத்தின் செல்கோபுரங்களை தனியார் நிறுவனங்களுக்கு விற்றிட முடிவு செய்துள்ளதை மாநாடு வன்மையாகக் கண்டிக்கிறது.
7. 78000க்கும் அதிகமான ஊழியர்கள் பணி ஓய்வில் சென்ற பிறகு ஊதியச் செலவு சரிபாதியாக குறைந்துள்ள சூழ்நிலையில் ஊழியர்களுக்கான ஊதியத்தை உரிய தேதியில் வழங்குவதை நடைமுறைப்படுத்த BSNL நிர்வாகத்தை மாநாடு கேட்டுக் கொள்கிறது.
8. நிதிச்சுமையால் அவதிப்பட்டு வரும் BSNL நிறுவனத்திற்கு DOT இலாகா வழங்க வேண்டிய ரூ.39000/- கோடி ரூபாயை BSNL நிறுவனத்திற்கு விரைந்து வழங்கிட DOT இலாகாவை மாநாடு கேட்டுக் கொள்கிறது. மேலும் இவ்விசயத்தில் வழங்குமன்றத்தை நாடவும் மத்திய சங்கத்தை கேட்டுக் கொள்கிறது
9. BSNL நிறுவனத்தின் பராமரிப்புப் பணிகளை தனியாருக்கு ஒதுக்கிய முடிவு நிறுவனத்திற்கு பலனளிக்கவில்லை மாறாக இணைப்புகள் நாள் தோரும் சரண்டர் ஆவது அதிகரித்து வருகிறது. இதனை நிர்வாகமும் உணர்ந்துள்ளதாகவே தெரிகிறது. இதனை மறுபரீசிலனை செய்திட பல்வேறு மாவட்டச் சங்கங்களும், மத்திய சங்கங்களும் வலியுறுத்தி வந்துள்ளன. எனவே BSNL நிர்வாகம் Cluster முறையினை மறுபரிசீலனை செய்திடவேண்டுமென மாநாடு வலியுறுத்துகிறது.
10. BSNL நிறுவனத்தின் அலுவலகக் கட்டிடங்களும், ஊழியர்குடியிருப்புகளும் அதிக அளவில் நாடுமுழுவதும் காலியாக உள்ளன. அவற்றை உரிய முறையில் பராமரிக்க நடவடிக்கை எடுத்திடவும் , தனியார் மற்றும் அரசு நிறுவன்ங்களுக்கு வாடகைக்கு விட்டு அதன் மூலம் கிடைத்திடும் வருவாயினை நிறுவனத்தின் கடன்களை அடைத்திடும் நடவடிக்கைகளை போர்க்கால அடிப்படையில் மேற்கொள்ள BSNL நிர்வாகத்தை மாநாடு கேட்டுக் கொள்கிறது.
11. Transmission Networkக்கினை முறையாக பராமரித்து வலுப்படுத்திட நடவடிக்கை எடுத்திட BSNL நிர்வாகத்தை மாநாடு வலியுறுத்துகிறது. மேலும் பராமரிப்புப் பணிகளை மேற்கொள்ள உரிய நடவடிக்கைகளை மேற்கொள்ள BSNL நிர்வாகத்தை மாநாடு வேண்டுகிறது.
12. BSNL நிறுவனத்தில் பணியாற்றும் ஒப்பந்த ஊழியர்கள் தங்களது ஊதியம் சரியான காலத்தில் வழங்கப்படாத காரணத்தினால் அவதிப்பட்டு வருகின்றனர். அவர்களின் நலன்களைக் கருத்தில் கொண்டு அவர்களுக்குச் சேரவேண்டிய ஊதிய நிலுவையை விரைவாக வழங்கிடவும், அவர்களின் ஊதியத்தை உரிய தேதியில் வழங்கிடவும் மேலும் இதுகுறித்து ஒப்பந்தாதாரர்களை பொறுப்பேற்றிடச் செய்ய BSNL நிர்வாகத்தை மாநாடு வலியுறுத்துகிறது.